Barrio Monte Alto (A Coruña - Galiza)

Na páxina web do Consorcio Galego de Servizos de Igualdade e Benestar pódese ler a seguinte nova:

Resolución do 18 de novembro de 2008 do Consorcio Galego de Servizos de Igualdade e Benestar pola que se anuncia a licitación, polo trámite urxente, tramitación anticipada de gasto e procedemento aberto con varios criterios de adxudicación, para a adxudicación da obra de construción dun edificio para Galescola e Centro de Día situado na Ronda de Monte Alto, Polígono G2-01, na Coruña.

+ Máis información: Consorcio Galego de Servizos de Igualdade.

Dende a Concellaría de Mocidade, Solidariedade e Normalización Lingüística chéganos a seguinte nova:

I XORNADAS DE CONSUMO CONSCIENTE E RESPONSABLE

Os días 26, 28 e 29 de novembro no Kiosko Alfonso da Coruña.

PROGRAMA

Mércores 26 de novembro

19:30h Presentación das Xornadas.

20:00h Conferencia: A crise mundial de alimentos, que hai detrás dela, que podemos facer ó respecto?, Eric Holtz Giménez*, Director Xeral de Food First, Institute for Food and Development Policy de USA.

*Eric Holtz Giménez, é un gran coñecedor do sistema mundial de produción alimentaria e achegará moitas das claves para entender como se rixe o actual mercado global da alimentación. O centro que dirixe ten como misión poñer fin ás inxustizas que causan fame, pobreza e degradación do medio ambiente en todo o mundo, así como a investigación, análise, promoción e educación para a participación cidadá. Trátase dunha institución que parte das experiencias das comunidades locais e que ten como base a soberanía alimentaria e a defensa dos dereitos humanos.

Venres 28 de novembro

19:30h Proxección de documentais: podemos decidir o que consumimos?

• La historia de las cosas (20′) de Annie Leonard. Fai un percorrido polo ciclo de vida de bens e servizos.
• Bendito Machine I e II (5′ y 8′),de Jossie Malis. 2007 e 2008, curtas de animación que amosan como a ansia de ter máis pode destruír a galiña dos ovos de ouro.
• Tres historias y un vaso de leche (25′) de Pablo Fraguas e Álvaro Pombo. Narra 3 historias sobre os problemas ambientais e sociais a través dun vaso de leite.

20:30h Coloquio

Sábado 29 de novembro

17:00h - 18:15h Mesa Redonda: que son as cooperativas de consumo? Porque cada vez somos máis.

Ramón Rodríguez, Federación de cooperativas Sinerxia

Xan Martínez, A Xoaniña Cooperativa de consumo responsable de Ferrol

18:15h Descanso

18:30h Cara a unha cooperativa de consumo na Coruña: constrúe con nós

Iniciativa Zocamiñoca, Presentación da iniciativa: o que se leva traballado e o que faltaría por facer
- produtos que se poden ter
- produtoras da comarca
- modelo organizativo
- persoas interesadas en participar

20:30h Despedida e peche

Este sábado 22 ás 11.30 da mañá haberá na Biblioteca da Asociación de Veciños Atochas - Monte Alto - Torre de Hércules (Campo de Marte S/N) un obradoiro de música tradicional galega. É totalmente gratuíto e vai dirixido a cativos e cativas de 6 a 10 anos. Para inscribirse é necesario cumplimentar o formulario de inscrición e entregalo na devandita Biblioteca xa sexa en horario de mañá (9.30 - 13.30 horas) ou de tarde (16.00 - 20.00 horas).

· Nota: Por problemas técnicos o formulario de inscrición está dispoñible na Biblioteca da Asociación e non no noso blogue como se anuncia no cartaz. Desculpen as molestias.

Este sábado 22 de novembro ás 17.00 horas no Campo de Marte a Asociación de Veciños de Atochas - Monte Alto - Torre de Hércules en colaboración coa Concellaría de Mocidade, Solidariedade e Normalización Lingüística, a Comparsa Montealto a 100, a LNB (Liga Nacional de Billarda) e o C.S.A. Atreu!, fará un Magosto para todos os veciños e veciñas do noso barrio.

Avisade a quen poidades e achegádevos pra disfrutar dunhas castañas coa mellor música e os xogos máis divertidos.

A Asociación Cultural Alexandre Bóveda informa que hoxe, luns 17 de novembro, as 19:30 horas, terá lugar unha reunión do noso colectivo de fotografía, aberta a todolos socios, no local da agrupación.

A reunión consistirá en que Héctor Santos-Díez (www.santos-diez.com) comente e ilustre como é o seu fluxo de traballo co ordenador: Capture One, Lightroom e Photoshop.

Estas reunións pedagóxicas comenzaron o pasado 3 de novembro, cuns exemplos de procesado a cargo de Eduardo Castro Bal, e terán continuidade, coa intervención de Nando Mauriz.

Presentamos o cartaz que a semana que ven estará en todas as rúas do noso barrio. Dous meses cheos de actividades tanto para cativos como adultos: contacontos, obradoiros, cine, xogos…

(Clicar sobor do cartaz pra amplialo)

Tamén podedes botarlle un ollo a un par de fotos da proxección de “O Bosque Animado” o pasado sábado 8 de novembro na Biblioteca da Asociación de Veciños (Campo de Marte S/N) clicando na ligazón especial da marxe dereita do blogue: Cine de Barrio.

Mañá á noite, ás 21.00 horas, no local da Asociación de Veciños Atochas - Monte Alto - Torre de Hércules (Campo de Marte s/n), haberá un obradoiro de coiro dentro do programa Noite Nova organizado pola Concellaría de Mocidade, Solidariedade e Normalización Lingüística.

Descarga o pdf do programa completo de actividades

Pola presente a A VV de Atochas-Monte Alto-Torre de Hércules quere facer pública a súa posición con respecto ao prezo do Bus na cidade da Coruña. Neste senso, e ante as informacións espalladas por diversos medios de comunicación, indicando unha eventual suba da tarifa de bus de entre 4 e 6 céntimos de euro, a A VV de Monte Alto quere manifestar a súa OPOSICIÓN TOTAL a un aumento do prezo do billete, defendendo, pola contra, a CONXELACIÓN DO PREZO DO BUS EN CALQUERA DAS SÚAS MANIFESTACIÓNS (bono-bus ou abono directo).

Entendemos que a suba pretendida non vai aparellada a unha mellora da calidade do servizo. Por outra banda, resulta inexplicábel e inadmisíbel que nunha situación de carestía e crise económica se pretenda aumentar o prezo dun servizo público sen que se ofreza aos cidadáns e usuarios contrapartida algunha no servizo que xustifique tal medida.

Por outra banda, a entidade veciñal entende que se debe camiñar cara un cambio do modelo da concesión do servizo de transporte público que modifique o actual sistema, o cal élle únicamente rendíbel á entidade privada “Compañía de Tranvías de La Coruña, SA”, máis non ao Concello da Coruña.

O Club de xadrez  Alexandre Bóveda informa que a partir deste venres 14 de novembro, comeza un obradoiro de perfecionamento de xadrez a cargo do Grande Mestre serbio Aleksa Strikovic.

O obradoiro desenvolverase os venres durante tres meses en horario de 20:00 h a 22:00 h. e está dirixido a aquelas persoas con coñecementos previos do xogo.

Para calquera información ou inscripcións poden chamar o tlf: 981 200 869 ou pasar polo noso local (R/ Olmos 16-18, 1º) en horario de 16:30 a 20:30 h. de luns a venres.

A Asociación Cultural Alexandre Bóveda informa que mañá martes 11 de novembro ás 20:00h. no salón de actos da asociación (R/ Olmos 16-18, 1º), terá lugar dentro do Ciclo de fotografías de viaxes a proxección de fotografías Vietnán e Camboxa, a cargo do fotógrafo, Ernesto Gómez.

A entrada é de balde.