A AVV ATOCHAS – MONTE ALTO – TORRE DE HÉRCULES REÚNESE CO CONCELLEIRO JUAN DE DIOS RUANO

Comunicado de Prensa

A Asociación de Veciñas e Veciños Atochas – Monte Alto – Torre de Hércules informa que, no día de onte, Mércores 1 de Febreiro, foi recibida no Pazo de María Pita polo Concelleiro de Barrio Juan de Dios Ruano.

En dita xuntanza, os representantes da nova directiva, presentáronlle un informe no que se recollen as deficiencias do barrio: transporte público, pavimentación, mobiliario urbano, iluminación e diferentes temas urbanísticos e sociais. O Concelleiro comunicou o seu coñecemento e que xa están a traballar sobre a súa base pero non concretou actuacións nin prazos debido a que están estudando os diferentes casos.

Así mesmo, tratáronse outros temas como o funcionamento das concelleiras e concelleiros de barrio e ambas partes acordaron unha futura reunión que, posibelmente, será na primavera.

XUNTA DIRECTIVA
A.V.V. ATOCHAS – MONTE ALTO – TORRE DE HÉRCULES

Obradoiros de interculturalidade e lingua dirixidos a inmigrantes

Os Obradoiros de interculturalidade e lingua dirixidos a inmigrantes, de 20 horas de duración, realizaranse todos os sábados, de 12.00 a 14.00 h, nos locais da Asociación AMESPA (r. Ramón Cabanillas 2, entrechán A). Comezarán o 20 de setembro. Para se inscribiren, poden chamar ao Servizo de Normalización do Concello (981 184 259) ou a AMESPA (881 912 349). Estes obradoiros consisten nunhas nocións moi básicas de galego, ademais dun achegamento a cuestións básicas non só da nosa cultura, senón tamén do funcionamento na Administración pública galega.