Barrio Monte Alto (A Coruña - Galiza)

A COMISIÓN DE URBANISMO rexistrou na Área de Urbanismo do Concello da Coruña, unha compilación das denuncias, queixas e suxestións, que os veciños afectados polas obras de Adelaida Muro e Ramón del Cueto queren facer chegar á Ilma. Sra. Dª Mª del Mar Barcón Sánchez , Concelleira Delegada de Urbanismo.

As queixas veciñais concrétanse na falta de seguridade nas obras da promoción que afecta os números 3,5,7,9,11,13,15,17 e 19 da rúa Ramón del Cueto, conxuntamente cos números 4,6 e 8 de Adelaida Muro. Ademais de malas actuacións por parte da xente que traballa na citada promoción, falta total de información e o inicio dun posible problema de sanidade pública. No traballo de campo feito pola Comisión de Urbanismo, Medio Ambiente e Infraestructuras, desta Asociación de Veciños. Non se puido constatar ningún dato da actuación urbanística xa que non aparece o preceptivo cartel de obra ou licencia de demolición, do calse poda deducir nin o número de licencia, nin a natureza da mesma, e tampouco datos da promoción ou o técnico responsable da obra.

_e(’Ler o resto desta anotación »’)

Fonte: Concello Da Coruña

A Asociación de Vecinos do Agra recolleu 3.500 firmas de cidadáns de diferentes barrios da Coruña

O concelleiro de Vivenda reúnese cos veciños que reclaman a instalación de ascensores en edificios antigos

O concelleiro de Rehabilitación Urbana e Vivenda, Mario López Rico, reuniuse con dous representantes dos promotores da recollida de firmas para poder dotar de ascensores aos edificios antigos.

A iniciativa, posta en marcha polos veciños da cidade co apoio da Asociación de Vecinos da Agra, solicitou un total de 3.500 firmas de cidadáns de diferentes barrios da Coruña.

O problema da accesibilidade dos edificios afecta fundamentalmente a aquelas zonas máis poboadas, con inmobles de máis de 30 anos, contruídos na época do desenvolvismo e na que se deu un crecemento urbanístico desmesurado. Vecinos que entón podían subir a pé mesmo o terceiro ou cuarto andar, agora atopan graves dificultades para acceder á súa vivenda, que carece, en moitos dos casos, de ascensores. Barrios especialmente afectados por esta sintuación son A Agra, Vos Mallos, A Sacra Familia, Ou Castrillón, Labañou ou Monte Alto.

Neste sentido, López Rico recolleu as firmas dos veciños e comentou cos promotores da iniciativa as posibilidades legais para a dotación de ascensores aos inmobles e as propostas sobre as que traballa a Concellaría de Rehabilitación Urbana e Vivenda de cara o leste obxectivo.

Hoxe ás 20:30 horas, terá lugar unha “Asemblea Aberta” no local da Asociación de Veciños (Campo de Marte s/n) no que abordará a problemática do comezo da macro obra situada no entorno de Ramón del Cueto. Dita reunión servirá para prestar asesoramento aos residentes sobre cómo defender os seus dereitos e as súas propiedades ante eventuais abusos construtivos ou danos materiais nas súas vivendas.

A Asociación de Veciños De Monte Alto reúnese hoxe, xoves 9 de outubro, co Grupo Municipal do PP para presentarlle o dossier urbanístico elaborado recentemente pola entidade veciñal.

Esta tarde, ás 18:00 horas, no Local do Grupo Municipal do PP (sito no Pazo de María Pita), terá lugar unha reunión na que se abordará o estudo do Dossier recentemente elaborado pola Asociación de Veciños en materia de urbanismo, infraestruturas e medio ambiente.

Dita reunión enmárcase dentro da campaña de sensibilización promovida desde a entidade veciñal e pretende tanto dar a coñecer as eivas e deficiencias en materia de infraestruturas e urbanismo, así como buscar complicidades coas diferentes organizacións políticas a fin de atopar un equilibrio entre a actividade construtiva e os dereitos dos residentes, moitas veces vulnerados pola prepotencia dalgúns promotores que actúan, coa permisividade institucional, ao fío da legalidade cando non na máis absoluta ilegalidade.

Esta tarde a Comisión Veciñal de Urbanismo manterá unha reunión co Concelleiro de Vivenda da Coruña ás 19:30 horas no local da Asociacion de Veciños do Campo de Marte.

Dita reunión servirá para intercambiar opinións sobre as propostas en materia de rehabilitación emanadas do Departamento de Vivenda e Rehabilitación para o barrio de Monte Alto así como para presentar o recén elaborado dossier sobre infraccións urbanísiticas e excesos construtivos, deficiencias en infraestruturas e en materia medio ambiental elaborado pola Asociación de Veciños.

A Comisión de urbanismo da Asociación de Veciños De Monte Alto reunirase en breves días co grupo municipal do BNG a fin de tratar sobre a proposta de “PERI” que os nacionalistas teñen para o Barrio De Monte Alto, así como tamén para afrontar os excesos constructivos no Barrio.

_e(’Ler o resto desta anotación »’)

A Comisión De Urbanismo da Asociación de Veciños de Monte Alto pon en coñecemento do Concello o incumprimento da orde de paralización inmediata das obras en Adelaida Muro 80-82.

A Asociación de Veciños levará á fiscalía a actuación da empresa e do Concello se este último non paraliza de inmediato a obra.

A A. VV. de Monte Alto esixe do Departamento de Urbanismo unha actuación contundente para a paralización real da obra  así como a posta en coñecemento da Fiscalía da negativa da empresa construtora a cumprir a resolución municipal. De non actuar o Concello neste sentido, será, a vindeira semana, a propia A. VV. a que poña en coñecemento do MINISTERIO FISCAL tanto a actuación insubmisa da empresa como a permisividade do Concello cara á mesma.

A Asociación de Veciños de Monte Alto desexa informar de que a súa recentemente constituída COMISIÓN DE URBANISMO está a elaborar un dossier sobre infraccións urbanísiticas e excesos construtivos, así como sobre deficiencias en infraestruturas e en materia medio ambiental.

A falta da conclusión definitiva do dossier, a Asociación de Veciños tira as seguintes conclusións provisionais:

1º.- Excesiva permisividade ás construtoras no cumprimento da legalidade vixente.

2º.- Deterioro infraestrutural en beirarrúas e pavimentado e carencias de servizos en parques.

3º.- Necesidade dun punto verde no barrio.

4º.- Humanización do barrio coa plantación de árbores nas beirrarúas.